Vopnfirðingar tóku almennt vel í þá bón menningarmálanefndar að þeir skreyttu hús sín - og garða ef því var að skipta - í tilefni menningarhátíðarinnar Einu sinni á ágústkvöldi.

Þegar um bæinn var farið leyndi sér ekki að þeir sem á annað borð voru með lögðu alúð í verk sitt og má fullyrða að þessi hugmynd skapi einkar ánægjulega stemmningu í þorpinu okkar. Meðfylgjandi er allnokkur fjöldi mynda er heimildarmaður tók á ferð sinni um þéttbýlið í gær.