Auglýst er tillaga að breytingu á deiliskipulagi hafnar- og miðsvæðis á Vopnafirði. Um er að ræða athafnasvæði HB Granda framan við síldarflökunarhús fyrirtækisins og varðar nýbyggingu þess undir hrognaþurrkun.

Svæðið sem um ræðir má sjá á meðfylgjandi skjali. deili-breyting-hafnarsv.pdf

Auglýsing um tillögu að breytingu á deiliskipulagi

hafnar- og miðsvæðis á Vopnafirði, Vopnafjarðarhreppi.

Tillaga að breytingu á deiliskipulagi hafnar- og miðsvæðis á Vopnafirði.

Hreppsnefnd Vopnafjarðarhrepps samþykkti á fundi sínum 07. október 2010 að auglýsa tillögu að deiliskipulagi hafnar- og miðsvæðis á Vopnafirði samkvæmt 2. mgr. 25. gr. skipulags- og byggingarlaga nr. 73/1997 m.s.br.

Breytingin felur í sér skilgreiningu nýs byggingarreits við Hafnarbyggð 14 sem ætlað er fyrir hrognaþurrkun.

Tillagan verður til sýnis á skrifstofu Vopnafjarðarhrepps, Hamrahlíð 15, frá kl. 8:00 til 16:00 alla virka daga frá miðvikudeginum 14. október 2010 til miðvikudagsins 24. nóvember 2010.

Skriflegar athugasemdir og ábendingar skulu hafa borist sveitarstjóra Vopnafjarðarhrepps eigi síðar en kl. 16:00 miðvikudaginn 25. nóvember 2010.

Hægt verður að nálgast uppdrátt með tillögu að breytingu á heimasíðu Vopnafjarðarhrepps. – www.vopnafjardarhreppur.is - frá og með 13. október 2010.

Þeir sem ekki gera athugasemdir innan tilskilins frests, teljast samþykkir tillögunni.

Sveitarstjóri Vopnafjarðarhrepps