Veðurfar febrúarmánaðar, þorrinn, hefur um fátt minnt á að tíminn er miðvetur. Svo mild hefur tíðin verið að minnir á útmánuði árs, vorið en ekki hávetur. Um leið og við fögnum hinu milda veðurfari kemst maður ekki hjá að velta fyrir sér hvert hinn íslenski vetur fór - og hvort hann muni skila sér til baka. Bar nýrra við í gær er loks var hvít jörð á láglendi Íslands, austurhluta þess a. m. k.

Heimildarmaður hefur einstakt yndi af að rölta með myndavélina þegar tóm gefst til og í gær myndaðist glufa sem nýtt var til að mynda næsta nágrenni í því yndislega veðri sem bauðst; hvít mjöll böðuð geislum sólar í vindstillu er óskaveður að vetri. Þeir dagar hafa fáir verið sem jafnast á við þennan og er þá ekki sjálfsagt að gefa fjarlægum vinum síðunnar nasasjón af því sem við hin upplifðum með fáeinum myndum er hér fylgja.