Frá því hefur verið ítrekað greint að sumarið hafi að mestu farið framhjá Austurlandi, eiginlega algjörlega hingað til en þegar loks sést til sólar er samfélagið fljótt að lifna við - og á það við náttúruna einnig, hún tekur á sig aðra mynd en í dumbungnum. Loksins, loksins vaknaði samfélagið við skin sólar og þokkalegan hita og eru það engar ýkjur að allir íbúar fjórðungsins vona að nú fari loks að bera á sumri með geislum sólar og bærilegum hita.

Heimildarmaður fann sig knúinn til að rölta um hluta þorpsins með myndavél í hönd, raunar eru sumar teknar nokkru fyrir kl. 07 á leið til vinnu en hinar síðar að morgni þessa dags, þá hafði líka kviknað líf í bænum. Meðfylgjandi eru nokkrir tugir mynda, sem fá að segja söguna án texta ólíkt því sem gjarnan er þó gert á þessum vettvangi.