Aukning á fjölda um Leifsstöð í október síðastliðnum var 14% milli ára en þá fóru 38,800 ferðamenn frá landinu um Leifsstöð. Heildarfjöldi ferðamanna fyrstu 10 mánuði ársins er 496,900 sem er 19% aukning á milli ára. Það er því ljóst að þetta er metár hvaða fjölda varðar. Flestir ferðamenn í október voru frá Bretlandi og svo Bandaríkjamenn. En allt árið eru Bandaríkjamenn flestir svo Bretar og þarnæst Þjóðverjar og svo frændur okkar Norðmenn. Norðurlandabúar sem heild eru langfjölmennastir einstakra svæða.

Rúmlega 51.500 erlendir ferðamenn komu til landsins í september, samkvæmt talningum Ferðamálastofu eða tæplega 11 þúsund fleiri en í september á síðasta ári. Þetta er rúmlega 26 prósent fleiri ferðamenn en í sama mánuði í fyrra.

Aldrei hafa fleiri erlendir ferðamenn verið hér á landi í september frá upphafi mælinga. Í september voru gestirnir orðnir 458 þúsund eða jafnmargir og allt árið 2010, samanber að framan er fjölgunin 19% milli ára hingað til eða tæplega fimmtungi fleiri. Í september höfðu rúmlega 260 þúsund Íslendingar farið utan áramótum, 19 prósent fleiri en á sama tímabili í fyrra þegar brottfarir mældust tæplega 219 þúsund.

Í haust var frá því greint að átakið „Ísland allt árið“ og í fréttatilkynningu SAF sagði að framundan sé eitt stærsta verkefni sem íslensk ferðaþjónusta hafi staðið frammi fyrir en það er að stórauka vetrarferðaþjónustu um land allt. Segir að arðsemi í íslenskri ferðaþjónustu sé ófullnægjandi. Ástæðu hennar má að miklu leyti rekja til mikilla árstíðasveifla. Aukin arðsemi fyrirtækjanna er forsenda þess að fyrirtækin geti stundað vöruþróun, fræðslu- og gæðastarf og öfluga markaðssetningu auk þess sem hún leiðir til fleiri heilsársstarfa og betra jafnvægis. Aukin vetrarferðaþjónusta er því leiðin til aukinnar arðsemi.

Fyrir landsbyggðina er myndin er ekki eins björt og hún virðist syðra því segja má að í fréttum þessum kristallast vandinn við haust, vetur og vor hjá ferðaþjónstunni á landsbyggðinni. Bandaríkjamenn staldra stutt við, eru tilfellum einungis dagpart í millilendingu og fara í Bláa lónið en teljast ferðamenn. Bretar eru fyrst og fremst í stuttum helgarferðum og fara lítið út á land.

Ferðamenn frá mið-Evrópu eru þeir sem við horfum fyrst og fremst til og þar koma Þjóðverjar í 3ja sæti, í 4. sæti eru svo Norðmenn – og í heild eru flestir farþegar frá Norðurlöndum samanlagt. Norðurlandabúar eru mikið í helgarferðum eða lengdum fundarferðum og lítið á ferðinni út á land utan dagsferða frá Reykjavík en vitað er að allstórir hópar eru helgardaga að fara í Jökulsárlón, mikið í dagsferðum frá Reykjavík. Heimildarmaður dvaldi á hóteli í höfuðborginni umliðna helgi og hitti þá einmitt hóp Svía sem voru hingað komnir í nokkurra daga ferð; áttu t. a. m. fyrir höndum í gær ferð um Suðurland, hinn svo kallaða Gullna hring eftir að hafa áður reynt Bláa lónið. Annað var ekki á dagskrá nema ganga um Reykjavík.

Á þessum vettvangi hefur verið skrifað áður að verkefni ferðaþjónustunnar á landsbyggðinni – eins ólík og hún nú er, landsbyggðin – að við verðum að vinna okkar vinnu sjálf. „Inspired by Iceland“ átakið var sett á laggirnar á sl. ári til að bregðast við þessu fordæmislausa ástandi [eldgos] hefur iðnaðarráðuneytið í samstarfi við Icelandair, Reykjavíkurborg, Iceland Express, Útflutningsráð og Samtök ferðaþjónustunnar (um 70 fyrirtæki) ákveðið að ráðast í snarpt markaðsátak í maí og júní 2010. Þá hafa markaðsstofur landshlutanna einnig lagt átakinu lið. Framlag til átaksins nemur alls 700 millj. kr. Framkvæmdanefnd með fulltrúum þessara aðila stýrir átakinu.

Það átak er talið hafa skilað stórauknum fjölda ferðamanna til landsins og verðlaunað sem slíkt. Eftir sem áður er markaðssvæðið hið sama og fjölgunin utan suðursvæðisins hvergi nærri því sem menn merktu syðra. Eftir sem áður þykir geirinn ekki vera að skila ásættanlegum arði og mikið verk óunnið og „Ísland allt árið“ enn ein viðleitnin að bæta úr núverandi stöðu. Ásta Þorleifsdóttir, fráfarandi framkvæmdastjóri Markaðsstofu Austurlands tekur umræðuna og veltir upp hvað gera megi til að bæta stöðu okkar landshluta og setur fram þá hugmynd að við setjum saman söluvænlega pakka, norðurljós og náttúruböð með matarívafi í einhverri mynd. Því er hér með kastað fram en ljóst er að betur má ef duga skal í uppbyggingu ferðamála.