Golfvöllur Vopnafjarðar er 9 holu völlur rétt innan þéttbýlisins í landi Skála.  Þykir völlurinn þrátt fyrir smæð sína einkar áhugaverður við að eiga fyrir golfarann en hin síðari ár hefur þess verið gætt að völlurinn sé í ágætis standi sumarlangt.  Með tilkomu Golfklúbbs Vopnafjarðar, sem stofnaður var á haustdögum 2008, má vænta frekari uppbyggingar á og við völlinn en litið hefur verið til þess að við völlinn vanti aðstöðuhús en kann að breytast á komandi misserum.

Golfvellinum hefur verið lýst svo:

Golfvöllurinn á Vopnafirði er 9 holu völlur, sem legu sinnar vegna hefur ákveðna sérstöðu meðal golfvalla á Íslandi.  Hæðótt landslagið, í tilfellum skásneitt, getur verið gestinum ögrandi viðureignar og þrátt fyrir smæð sína skortir fjölbreytnina ekki.  Fagurt umhverfið með myndarleg Krossavíkurfjöll handa fjarðar, eykur enn á ánægjuna.  Njótið leiksins – verið velkomin á Skálavöll.

                        Golfklúbbur Vonafjarðar