Vopnafjarðarvöllur er staðsettur efst í byggð þorpsins, á holtinu, og hefur þjónað sem slíkur um langt árabil.  Völlurinn hefur að geyma sögu sumaríþrótta á Vopnafirði, einkum knattspyrnu sem notið hefur mikilla vinsælda meðal íbúana.  Ungmennafélagið Einherji nýtir völlinn sumarlangt til æfinga og keppni þar sem knattspyrnan er fyrirferðamest en námskeið í frjálsum íþróttum er á vegum félagsins.  Hafa verið uppi hugmyndir um lagfæringar á vellinum og/eða byggja annan ofan á núverandi malarvöll skammt ofan íþróttavallar.  Við völlinn stendur lítið vallarhús, sem áður þjónaði flugvelli sveitarfélagsins, en sturtuaðstöu sækir keppnisfólk í íþróttahúsið.

Sími í vallarhúsi: 473-1358.


Á lóð grunnskólans er sparkvöllur með gervigrasi og er notaður af ungu áhugafólki svo lengi sem aðstæður bjóða, árið um kring.


Nýlegir leikvellir fyirr börn eru á þremur stöðum í þorpinu:

- Milli Lónabrautar og Fagrahjalla
- Milli Kolbeinsgötu og Skálanesgötu
- Við Vallholt

Einnig eru leiktæki á lóðum Vopnafjarðarskóla og Leikskólans Brekkubæjar við Lónabraut.