Ungmennafélagið Einherji rekur sögu sína allt aftur til ársins 1925 og hefur allt fram á þennan dag skipað stóran sess í samfélaginu.  Hefur knattspyrnan verið fyrirferðamest sl. áratugi en krakkar frá félaginu tekið þátt í keppni frjálsra íþrótta á fjórðungsvísu og staðið sig með sóma.  Einherji heldur úti æfingum árið um kring, að sumri er æft á íþróttavelli sveitarfélagsins ásamt sparkvelli að vori, að vetri eru tímar leigðir í íþróttahúsinu.  stendur félagið að alls kyns námskeiðahaldi að auki.  Stjórn félagsins er skipuð 5 mönnum er leggja á sig mikla þegnskylduvinnu við að halda úti starfi félagsins.  Með fækkandi fólki hefur samstarf utan héraðs aukist jafnt og þétt - er einkum sótt til Íþróttafélagsins Hattar á Egilsstöðum, hefur samstarfið gengið vel og njóta báðir aðilar þess. 

Formaður Einherja er Einar Björn Kristbergsson og með honum í stjórn eru:  Björn Heiðar Sigurbjörnsson, Linda Björk Stefánsdóttir, Bjarney Guðrún Jónsdóttir og Magnús Már Þorvaldsson.  Skrifstofa Einherja er til húsa að Hafnarbyggð 4, Einherjaheimilið, og er sími þess 473-1288.