Húsnæði Vopnafjarðarskóla telur alls 2067,7 m2 (brúttó). Eldri bygging, frá árinu 1967, er 844 m2 og nýrri byggingin, frá árinu 2000, er 1223,7 m2. Salur íþróttahússins er 26x15 m og Sundlaugin Selárdal er 12,5x6 m.
Heimastofur fyrir 1.-5. bekk eru á neðstu hæð en heimastofur 6.-10. bekkjar á efstu hæð. Á miðhæð eru sérgreinastofur utan myndmennta- og tölvustofa sem eru á efstu hæðinni. Auk þess eru Tónlistarskóli Vopnafjarðar, Bókasafn Vopnafjarðar og mötuneyti skólans staðsett á miðhæðinni.
92 nemendur eru í Vopnafjarðarskóla við skólasetningu haustið 2010, þar af 16 í 1. bekk sem er fjölmennasti árgangurinn.
Kennslustundafjöldi í viku hverri er sem hér segir: 1.-4 .bekkur: 30 kennslustundir 5.-7. bekkur: 35 kennslustundir 8.-10. bekkur: 37 kennslustundir Þar af eru fimm valstundir í 9.og 10. bekk.
Samkennsla er að einhverju leyti í öllum bekkjum en þó minnst í 8. bekk. 1. – 3. bekkur og 4. og 5. bekkur eru í samkennslu í öllum greinum nema verkgreinum. 6. og 7. bekkur eru í samkennslu 15 – 20 tíma á viku. 8. og 9. bekkur eru alfarið í samkennslu.
Í leikfimi eru 8. til 10. bekkur saman, kynjaskipt einu sinni í viku. Sundkennsla er haust og vor í Selárdalslaug í 12 km fjarlægð og er hún þannig skipulögð að kennt er miðað við íþróttatíma og er ætluð 1 kennslustund í ferð til og frá Sundlaug. Þar af leiðir að nemendur missa af öðrum tímum í skólanum sem þessu nemur.
Sundkennsla skólárið 2008-2009 er tvo daga vikunnar fram eftir hausti hjá 4.-10. bekk og fer eftir veðri hversu lengi því verður haldið úti. Ætlunin er að byrja síðan aftur á miðjum vetri og síðan með yngstu nemendur að vori. Skólastarf hefst kl 8:10.
Á mánudögum, þriðjudögum og föstudögum er kennslu lokið kl 13:50 en aðra daga lýkur kennslu kl.15:20. Nemendur ganga inn um aðalinngang nema nemendur í 1.-3. bekk sem ganga inn á neðstu hæð.
Skólahúsnæðið er opnað kl. 07:50 og gæsla nemenda er frá þeim tíma og fyrir 1.-4. bekk til kl.15:00 alla daga nema mánudaga til kl.14:00. Skólanum er lokað kl. 16:00 nema á mánudögum kl. 14:00.
Í skólaakstri eru 12 nemendur og skiptist skólaaksturinn í 3 leiðir. Fjallasíðan; Öxl, Grænilækur, Svínabakkar, Hrísar. Hofsárdalur; Vatnsdalsgerði, Ásbrandsstaðir,Hof, Bustarfell. Vesturárdalur; Torfastaðir II, Ytri-Nýpur II.
Heimanakstur er að morgni og heimkeyrsla kl 15:00 nema mánudaga kl 14:00. Þá er heimkeyrsla vegna félagsstarfa kl. 16:00 eða 17:00 og tvisvar á kvöldin eftir þörfum.
Á mánudögum eru oft fundahöld hjá starfsfólki frá kl.14:20-kl.16:00 og því er erfitt að ná sambandi við skólann á þeim tíma.