Veljum Vopnafjörð – lok verkefnisins

23.05 2018 - Miðvikudagur

Verkefninu  „Veljum Vopnafjörð", sem hófst með íbúaþingi í apríl 2016 er nú formlega lokið. Með þessum línum vill undirritaður, fyrir hönd verkefnisstjórnar, þakka öllum þeim sem tóku þátt, með einum eða öðrum hætti. Verkefnið var leitt af Vopnafjarðarhreppi, með stuðningi frá Byggðastofnun, Austurbrú og Nýsköpunarmiðstöð Íslands. ILDI rjáðgjöf sá um framkvæmd og skipulag verkefnisins.

Kjarni verkefnisins var áhersla á samtal og samstarf við íbúa, höfða til frumkvæðis íbúanna, frumkvöðla og ungs fólks. Í því skyni var m.a. haldið málþing sl. vorið 2017 undir yfirskriftinni, Yngri, kraftmeiri og fjölbreyttari Vopnafjörður, sem byggir á skilaboðum íbúaþings.

 

Verkefnisstjórn skilaði formlega af sér til sveitarstjórnar síðastliðið haust, niðurstöðum verkefnisins í „Stefnuplaggi“ sem einnig var dreift til íbúa sveitarfélagsins.

 

Það getur reynst erfitt að meta hverju verkefnið hefur skilað, en ýmislegt hefur þó gerst sem beint eða óbeint má rekja til íbúaþingins og verkefnisins. Á tímabilinu frá því að verkefnið fór af stað hefur fólki fjölgað þá sérstaklega ungu barnafólki.  Félagsstarf  barna og unglinga hefur verið eflt með ráðningu á starfsmanni í málaflokkinn. Ungmennaráð hefur tekið til starfa.  Þjónusta við eldri borgara hefur verð sett undir einn hatt og kynnt með útgáfu og dreifingi á sérstökum bæklingi. Upplýsingasíðan Visit Vopnafjörður var tekin í notkun fyrir um ári. Samningur hefur verið gerður við Minjasafnið að Bustarfelli og Hjáleiguna veitingahús um aðkomu sveitarfélagsins að rekstri safnsins og veitingahússins.

 

unspecifiedFP6MMCEC.jpgUnnið var með frumkvöðlum og er m.a. verkefnið „The Extreme Challenge“ dæmi um skemmtileg verkefni sem leidd voru af öflugum einstaklingum. Þá má nefna verkefni tengd listamannadvöl og menningarmálum.  Á næstu dögum fer í dreifingu og inn á heimasíðu sveitarfélagsins upplýsingarit á íslensku, ensku og pólsku um þá þjónustu sem er í boði í sveitarfélaginu og hvernig má nálgast hana.  Könnun var gerð á miðjum vetri um hug manna til sameiningar á svæðinu. Niðurstöðurnar hafa verið kynntar og gerðar aðgengilegar á heimasíðu sveitarfélagsins.  Unnið hefur verið í skipulagsmálum með það að markmiði að landeigendur geti byggt upp starfsemi s.s. tengda ferðaþjónustu á jörðum í  dreifbýli Vopnafjarðar. Ýmislegt fleira mætti nefna, en þá er vert að vísa til Stefnuplaggsins, þar sem fleiri verkefni eru tiltekin og urðu þau flest að veruleika.

Sjá má öll gögn um verkefnið á vef Vopnafjarðarhrepps, hér.

 

Um leið og við viljum koma á framfæri þakklæti til þeirra sem komu að verkefninu er það mat  okkar að verkefnið „Veljum Vopnafjörð“  hafi skilað árangri, Vopnafirði til framdráttar.

 

Vopnafirði 18. maí 2018

Fyrir hönd verkefnisstjórnar,

Ólafur Áki Ragnarsson, sveitarstjóri




Tungumál


Skipta um leturstærð


Leit



Flýtileiðir