Hunda- og kattahreinsun

09.01 2020 - Fimmtudagur

Samkvæmt samþykkt um hunda- og kattahald í Vopnafirði skulu hundar og kettir færðir til bandormahreinsunar ár hvert.

Þriðjudaginn 14.janúar næstkomandi skulu því hunda- og kattaeigendur koma með dýr sín í áhaldahús/þjónustumiðstöð sveitarfélagsins.

Mæta skal með hunda milli kl. 09:00-10:30 og ketti milli kl. 10:30-12:00.
Leyfisgjald verður innheimt með greiðsluseðli, 12.300 kr. fyrir hunda og 7.400 kr. fyrir ketti. Innifalið í leyfisgjaldi er heilbrigðisskoðun dýralæknis, ormahreinsun og trygging, auk umsýslugjalds sveitarfélagsins.

Vakin er athygli á því að vanræki eigendur dýra þessa skyldu sína er það brot á samþykktum um hunda- og kattahald í Vopnafjarðarhreppi. Eigendum óskráðra dýra er bent á að skrá dýr sín strax og er það í boði hjá dýralækni sem verður á staðnum.




Tungumál


Skipta um leturstærð


Leit



Flýtileiðir