Auglýst eftir framkvæmdastjóra Vopnaskaks

03.02 2020 - Mánudagur

Vopnafjarðarhreppur auglýsir stöðu framkvæmdastjóra Vopnaskaks 2020 lausa til umsóknar. Bæjarhátíðin verður haldin dagana 2.-5. júlí 2020.

Hlutverk framkvæmdastjóra er m.a. að skipuleggja og stýra hátíðinni og vinna að fjármögnun hennar, í samvinnu við menningarmálanefnd Vopnafjarðar. Þarf viðkomandi að geta sinnt því af og til á vorönn 2020 og í fullu starfi í júní allt þar til uppgjöri og frágangi eftir hátíðina er lokið.


Framkvæmdastjóri Vopnaskaks þarf að vera hugmyndaríkur, útsjónarsamur, hafa brennandi áhuga á að gera veg hátíðarinnar sem mestan. Hann þarf að eiga auðvelt með að vinna með fólki. Æskilegt er að umsækjandi hafi reynslu af stjórnun viðburða.

Umsóknarfrestur er til og með 14. febrúar 2020. Umsóknum skal skilað á skrifstofu Vopnafjarðarhrepps, Hamrahlíð 15, 690 Vopnafirði eða á netfangið skrifstofa@vopnafjardarhreppur.is.
Nánari upplýsingar veitir formaður menningamálanefndar í síma 899-1197.




Tungumál


Skipta um leturstærð


Leit



Flýtileiðir