Samvinna eftir skilnað - samstarfsverkefni

11.02 2020 - Þriðjudagur

Þann 10. febrúar 2020 skrifuðu Ásmundur Einar Daðason, félags- og barnamálaráðherra og Björn Ingimarsson, bæjarstjóri Fljótsdalshéraðs undir samning þess efnis að Fljótsdalshérað verði tilraunasveitarfélag varðandi innleiðingu á SES - Samvinna eftir skilnað. SES er fengið frá Danmörku og byggir á rannsóknum sérfræðinga við Háskólann í Kaupmannahöfn um það hvernig best verði staðið að stuðning við fjölskyldur í skilnaði, svo fyrirbyggja megi vanlíðan, erfið samskipti og ágreining. Félagsþjónusta Fljótsdalshérað mun bjóða upp á ráðgjöf og stuðning við foreldra í skilnaðarferlinu og því geta foreldrar sem eru að skilja eða hafa skilið og vilja þiggja stuðning og ráðgjöf sett sig í samband við félagsþjónustuna sem þjónar auk Fljótsdalshéraði, Vopnafirði, Borgarfirði eystri, Seyðisfirði, Fljótsdalshreppi og og Djúpavogshreppi.

Á myndinni eru Ásmundur Einar Daðason, ráðherra, Björn Ingimarsson, bæjarstjóri Fljótsdalshéraðs, Gyða Hjartardóttir, verkefnastjóri ráðuneytisins, Anna Alexandersdóttir, formaður Félagsmálanefndar Fljótsdalshéraðs og Júlía Sæmundsdóttir, félagsmálastjóri Fljótsdalshéraðs.




Tungumál


Skipta um leturstærð


Leit



Flýtileiðir