Hertar reglur vegna Covid-19

31.07 2020 - Föstudagur

Á hádegi í dag, 31. júlí taka gildi hertar samkomu­reglur vegna Covid-19 sem nánar má sjá hér.

Samkomu­bann miðast nú við 100 full­orðna einstak­linga og hvar þar sem fólk kemur saman og í allri starf­semi er skylt að viðhafa þá reglu að hafa a.m.k. 2 metra á milli einstak­linga.

Þar sem ekki er unnt að tryggja 2 metra fjarlægð milli ótengdra einstaklinga, er skylt að nota andlitsgrímu sem hylur nef og munn. Þá skal vera tryggður aðgangur að handsótthreinsi fyrir almenning og starfsmenn við innganga í verslunum, opinberum byggingum og hjá þjónustufyrirtækjum.

Vegna hertra samkomureglna á þessu tímabili verða gerðar eftirfarandi breytingar á starfsemi stofnana sveitarfélagsins frá hádegi 31. júlí:

Íþróttahús

Búningsklefar verða lokaðir frá og með deginum í dag. Tryggja þarf 2 metra fjarlægð á milli einstaklinga í þreksal og þurfa iðkendur að sótthreinsa alla snertifleti eftir notkun.

Sundlaug

Sundlaug verður opin en takmarkaður verður fjöldi gesta sem getur verið í sundi á hverjum tíma og að hámarki fjórir í hvorum klefa (auk barna fædd 2005 og síðar) og biðlar Vopnafjarðarhreppur til sundgesta að sýna þeim tilmælum skilning.

Tjaldsvæði

Tjaldstæðið verður áfram opið en mikilvægt er að gestir tjaldstæðanna virði sóttvarnareglur og gæti þess að halda hæfilegri fjarlægð á milli tjalda. 

Vopnafjarðarhreppur vill ítreka mikilvægi þess að allir gæti fyllstu varúðar og sóttvarna.

Við erum öll almannavarnir!

Mögulegt smit.jpeg        Samfélagssáttmáli.jpeg




Tungumál


Skipta um leturstærð


Leit



Flýtileiðir