Fréttir

20.02 2019 - Miðvikudagur

Loðnuleit framhaldið – kolmunnaveiðar hafnar

Það er gömul saga og ný að ekki er á vísan að róa þótt tiltekið tímabil kunni að vera skilgreint sem loðnuvertíð eða síldar- allt eftir hver árstíminn er. Stundum gengur vel, stundum verr og stundum ekki neitt. Samkvæmt síðustu upplýsingum Hafrannsóknarstofnunar eru engar nýjar forsendur fram komnar sem breyta skilyrðum veiðiráðgjafar í loðnu eftir leit úti fyrir Austfjörðum og Suð-Austurlandi um nýliðna helgina. Næst verður haldið til norðurs.

 

19.02 2019 - Þriðjudagur

Skrifstofa Vopnafjarðarhrepps lokuð 22. febrúar

Vakin er athygli á að skrifstofa Vopnafjarðarhrepps verður lokuð föstudaginn 22. febrúar nk. 

-Skrifstofustjóri

18.02 2019 - Mánudagur

Yfirlýsing frá formanni stjórnar ÍKSA vegna heimildamyndarinnar 690 Vopnafjörður

Sú breyting hefur orðið á áður kynntum tilnefningum til Eddunnar 2019 í flokki heimildamynda, að tilnefning myndarinnar 690 Vopnafjörður fellur út og í hennar stað er tilnefnd myndin Litla Moskva. 

Stjórn Íslensku kvikmynda- og sjónvarpsakademíunnar áttar sig á alvarleika málsins og harmar þau mistök sem áttu sér stað þegar uphaflega var tilkynnt um tilnefningar og biður aðstandendur heimildamyndarinnar 690 Vopnafjörður innilega afsökunar á þeim.

Umrædd mistök má rekja til þess að formaður Íslensku kvikmynda- og sjónvarpsakademíunnar veitti 690 Vopnafjörður undanþágu til umsóknar um Edduverðlaun 2019 án þess að hafa heimild stjórnar fyrir því og byggði sú undanþága á ófullnægjandi upplýsingaleit.

15.02 2019 - Föstudagur

Af aðalfundi Einherja – ný stjórn tekin við

Ungmennafélagið Einherji hélt aðalfund sinn í gærkvöldi í félagsheimilinu og var vel mætt til fundar. Tók fundurinn til áranna 2017 og 2018 en fundurinn 22. febrúar á liðnu ári varðaði árið 2016. Sem fyrr hélt Einherji úti myndarlegu starfi, tefldi fram meistaraflokksliðum í karla og kvennaflokki, 11 manna liði í 4. flokki kvenna auk þess sem aðrir flokkar tóku þátt í fjölmörgum mótum. Þau merku tímamót urðu á fundinum að fráfarandi stjórn kvaddi í heild sinni og við tók ný skipuð ungu áhugasömu fólki.

15.02 2019 - Föstudagur

Selárlaug opnar kl. 16 í dag – lokað á sunnudag

Athygli sundlaugargesta er vakin á að laugin opnar kl. 16:00 í dag vegna útfarar í Vopnafjarðarkirkju. Sundlaugin verður lokuð sunnudaginn 17. febrúar nk. þar eð starfsmaður laugar er bundinn við vinnu í þágu samfélagsins er tengist messu þess dags. Eru Vopnfirðingar hvattir til að mæta til viðburðarins sem er í Kaupvangskaffi og hefst kl. 15:00. Þar mun Karlakór Vopnafjarðar syngja og leikmenn 3. flokks kvenna í Einherja þjóna gestum kaffihússins. Sr. Þuríður Björg leiðir athöfnina.

 

                -Fulltrúi

14.02 2019 - Fimmtudagur

690 Vopnafjörður tilnefnd til Eddunnar – eða hvað?

Þann 07. febrúar sl. voru tilnefningar til Edduverðlauna 2019 kynntar á öldum ljósvakans. Í því felst upphefð að fá slíka tilnefningu enda margir kallaðir en fáir útvaldir. Að sjá nafn heimilarmyndarinnar 690 Vopnafjörður meðal þeirra sem tilnefndar eru í flokki heimildarmynda vakti eðlilega athygli og gleði meðal þeirra sem málið varðar – og þeir eru margir. Síðan gerist það sem líklega flestir hefðu talið útilokað, tilnefningin var dregin til baka …

 

11.02 2019 - Mánudagur

Vetur minnir á sig

Vopnfirðingar hafa eins og aðrir landsmenn fengið að finna að tíðin er hávetur með tilheyrandi ofankomu og norðanátt. Á föstudagskvöld og aðfaranótt laugardags gekk yfir norðausturhornið hvassviðri með allnokkurri ofankomu og þegar vind tók af höfðu myndast skaflar víðs vegar í þéttbýlinu þótt hvergi væru þeir eins myndarlegir og í Vallholtinu. Má segja að laugardagskvöldið/-nótt hafi verið endurtekið efni þótt vissulega væri stigsmunur á hvoru tveggja vind sem ofankomu.

09.02 2019 - Laugardagur

Selárlaug - laug og pottur undir kjörhitastigi

Athygli sundlaugargesta er vakin á að sökum þess að vatnsrennsli er ekki nægilegt þessi dægrin er vatn sundlaugar og potts undir kjörhitastigi, sem er um 30°C annars vegar og 38-40°C hins vegar. Sem stendur er hitastig laugar um 24°C og potts einungis 28°C. Lausna er leitað og málið upplýst þegar lausn hefur fundist.

-Fulltrúi

08.02 2019 - Föstudagur

Finnafjarðarverkefnið til umræðu

Verkfræðingurinn Hafsteinn Helgason hjá Verkfræðistofunni EFLU var til viðtals í morgunþætti Rásar eitt á RUV í fyrradag þar sem Finnafjarðarverkefnið svokallaða var til umræðuÞað er kunnara en frá þurfi að segja að sveitarfélögin Langanesbyggð og Vopnafjarðarhreppur hafa um árabil unnið að risavöxnu verkefni sem alþjóðleg umskipunarhöfn í Finnafirði er og töluvert hefur verið til umfjöllunar í fjölmiðlum þjóðarinnar. Þarna munu vera fyrirtæki staðsett sem eru í hafnsækinni starfsemi en landrými þarna leyfir allt að 1200 hektara athafnasvæði og 6 kílómetra langa viðlegukanta samtals.

06.02 2019 - Miðvikudagur

Leikskólabörn heilsuðu upp á sveitarstjóra

Í dag er dagur leikskólans og af því tilefni fékk Þór sveitarstjóri sérlega ánægjulega heimsókn er 22 leikskólabörn heiðruðu hann með nærveru sinni. Mætti ungviðið í fylgd starfsmanna leikskólans, þeirra Bjargar, Hrafnhildar, Rósu, Kötlu Ránar og Hemmerts Þórs. Var hópnum stefnt inn á skrifstofu sveitarstjóra hvar þeirra beið ávaxtasafi, saltstangir og piparkökur. Þurfti ekki að hvetja hina ungu gesti til að bragða á veitingunum og óvíst um matarlystina þegar að hádegisverði kom.

 


103 - 112 af 2222
1 2 3 4 5 6 7 8 9 10  > 




Tungumál


Skipta um leturstærð


Leit



Flýtileiðir