Fréttir

08.10 2018 - Mánudagur

Samtal við nemendur og foreldra þeirra

Á morgun er fyrirlestur í Vopnafjarðarskóla undir heitinu Fokk me - Fokk you sem fjallar um  sjálfsmynd, samfélagsmiðla og samskipti kynjanna. Er fyrirlesturinn ætlaður unglingum og ungmennum, foreldrum þeirra og aðstandendum og starfsfólki sem starfar með unglingum. Fyrirlesarar eru Andrea Marel og Kári Sigurðsson en hvor um sig hefur starfað um árabil í félagsmiðstöðvum og flutt fyrirlestra meðfram vinnu sinni. Samfés, samtök félagsmiðstöðva og ungmennahúsa á Íslandi, völdu fræðsluna Fokk Me-Fokk You besta verkefnið í opnum flokki á vettvangi frítímans á aðalfundi Samfés 2017.

 

05.10 2018 - Föstudagur

Þverárvirkjun til umræðu

Á fundi sveitarstjórnar í gær lá fyrir matsáætlunartillaga vegna virkjunar í Þverá í Vopnafirði en um málið var m.a. fjallað í Austurfrétt þann 02. október sl. Þar kemur fram að skoða þurfi möguleg áhrif virkjunar Þverár á uppeldisstöðvar fyrir laxfiska sem veiðast í Hofsá. Gert er ráð fyrir tveggja hektara uppistöðulóni og vatni verði miðlað um niðurgrafna pípu niður í stöðvarhús á láglendi. Að ósk Skipulagsstofnunar hafði sveitarstjórn unnið umsögn um tillögu að matsáætlun vegna hinnar fyrirhuguðu virkjunar og lá fyrir fundi.

03.10 2018 - Miðvikudagur

Innanlandsflug sem almenningssamgöngur til umræðu

Íbúar landsbyggðanna eru almennt á einu máli um að innanlandsflugið sé dýrt og hafi líklega aldrei verið dýrara að fljúga. Um það er raunar deilt og hefur Vopnfirðingurinn Konráð Guðjónsson sýnt fram á í grein sem birtist í Austurglugganum nýverið að flugfargjöld hafi ekki verið lægri frá 2002 sem hlutfall ráðstöfunartekna. Umræðan á sér langa sögu, var málið m.a. til umræðu á nýafstöðnum aðalfundi SSA. Fyrir réttu ári fór fram málþing á Hótel Nordica og vitna má til skrifa Árna Gunnarssonar framkvæmdastjóra Air Iceland Connect um málið í Austurfrétt 27. maí 2016.

 

01.10 2018 - Mánudagur

Vetraropnun Selárlaugar frá og með deginum í dag

Veturinn er smám saman að taka yfir þótt enn sé langt í 1. vetrardag en hann stendur upp á laugardaginn 27. októrber nk. að þessu sinni. Í dag tekur vetraropnun Selárlaugar gildi hvað þýðir að sundlaugin er lokuð í dag, mánudag, svo sem verið hefur samkvæmt hefðinni, opið er alla aðra daga vikunnar.

26.09 2018 - Miðvikudagur

Makrílvertíð brátt lokið

Á heimasíðu HB Granda hf. er greint frá að vel hafi gengið í makrílvinnslunni hjá félaginu á Vopnafirði í sumar og styttist í að kvóta ársins verði náð. Vitnað er í Magnús Þór Róbertsson vinnslustjóra sem segir makrílinn stóran og góðan og meðalvigtin í sumar hafi verið 450 til 470 grömm. Eins er rætt við Albert Sigurðsson skipstjóra á Víkingi AK er lýsti ánægju sinni aflokinni veiðiferð og sagði: „Við erum með rúm 1.100 tonn og megnið af aflanum fékkst í aðeins þremur holum. Makríllinn hefur stækkað eftir því sem liðið hefur á sumarið og fiskurinn í fyrsta holinu okkar var að jafnaði rúmlega 500 gramma þungur.“

 

24.09 2018 - Mánudagur

VÍS lokar umboðsskriftstofu sinni á Vopnafirði

VÍS hefur ákveðið að sameina þjónustuskrifstofur fyrirtækisins víðsvegar um landið í sex skrifstofur; á Selfossi, Egilsstöðum, Akureyri, Sauðárkróki, Ísafirði og Reykjavík. Skrifstofurnar voru áður þrettán, þar á meðal á Vopnafirði. Á vef fyrirtækisins segir að þetta sé gert í samræmi við nýja framtíðarsýn fyrirtækisins um að verða stafrænt þjónustufyrirtæki. Breytingarnar taka gildi 1. október næstkomandi.

19.09 2018 - Miðvikudagur

15 kílómetra hámarkshraði á skólasvæðinu

Starfsmenn þjónustumiðstöðvar unnu að uppsetningu skilta við hraðahindranir á Lónabraut er ramma inn skólasvæði sveitarfélagsins sl. mánudag. Skiltin, 15 km./klst., eru staðfesting þess að sá hluti Lónabrautar sem innan marka hraðahindrana er skilgreinist sem vistgata. Nánar tiltekið svæðið milli grunn- og leikskólans í suðri allt út fyrir íþróttahúsið í norðri. Fara þarf allt aftur til ársins 2015 til að reifa málið en á fundi skipulags- og umhverfisnefndar sveitarfélagsins hinn 27. janúar var samþykkt að leggja fyrir sveitarstjórn tilteknar tillögur um leyfilegan hámarkshraða í þéttbýlinu. Þær voru samþykktar á fundi sveitarstjórnar þann 05. febrúar s.á.

17.09 2018 - Mánudagur

Af aðalfundi SSA

Á vef SSA, Samband sveitarfélaga á Austurlandi, er greint frá 52. aðalfundi sambandsins sem haldinn var 07. og 08. september sl. á Hallormsstað. Kjörnir fulltrúar þeirra sjö sveitarfélaga sem mynda landshlutasamtökin samþykktu á fundinum sameiginlegar ályktanir landshlutans. Þá voru afhent Menningarverðlaun SSA 2018 og heiðursgestur úr hópi sveitarstjórnarmanna heiðraður. Í nýrri stjórn sambandsins tekur sæti Sigríður Bragadóttir oddviti Vopnafjarðarhrepps, formaður var á fyrsta fundi stjórnar kjörinn Einar Már Sigurðarson, Fjarðabyggð.

13.09 2018 - Fimmtudagur

Hjúkrunarheimilið Sundabúð auglýsir eftir starfskröftum

Hjúkrunarheimilið Sundabúð auglýsir tvö störf laus til umsóknar, annars vegar 65% staða í mötuneyti heimilisins, hins vegar liðveisla við fullorðinn einstakling.

 Mötuneyti

Hjúkrunarheimilið Sundabúð óskar eftir að ráða starfsmann í mötuneyti Sundabúðar. Starfshlutfall er 65% og eru vaktir ýmist milli kl. 08:00 – 16:00 eða 09:00-15:00. Er unnin önnur hver helgi.

 

Starfið felst í öllum almennum störfum í eldhúsi, þar á meðal eldamennsku. Reynsla af starfi í mötuneyti æskileg. Viðkomandi þarf að geta hafið störf um miðjan október.

12.09 2018 - Miðvikudagur

Menningarmálanefnd kallar eftir hugmyndum íbúa

Á fundi menningarmálanefndar sem haldinn var sl. mánudag kom fram athyglisverð hugmynd sem nefndarfólk fylgdi eftir og birti á samskiptavefnum Fésbók/facebook í kjölfarið. Í stuttu máli biðlar nefndin til íbúa sveitarfélagsins um hugmyndir er menningu varðar en hvoru tveggja vill nefndin kappkosta að bjóða upp á viðburði sem flestir kunna að hafa ánægju af og bjóða hinum almenna íbúa að borðinu. Snilldin felst í að opna fyrir umræðuna, að gefa öllum jafnt tækifæri til að leggja málefninu lið og hljótum við að fagna frumkvæði nefndarfólks. Að neðan er skilaboðin að finna, sem rituð eru af Fanney Björk Friðriksdóttur f.h. nefndar.


153 - 162 af 2201
< 11 12 13 14 15 16 17 18 19 20  > 




Tungumál


Skipta um leturstærð


Leit



Flýtileiðir