Fréttir

15.05 2018 - Þriðjudagur

Selárlaug lokuð til mánudagsins 21. maí

Í dag verður laugarkar Selárlaugar tæmt og það þrifið í framhaldi af því. Eins verður laugarhúsið þrifið og til þess þurfa starfsmenn tíma. Verður Selárlaug lokuð dagana frá og með 15. til og með 20. maí nk. en á mánudag 21. opnar laugin á ný með sumaropnun og þá opin alla daga vikunnar milli kl. 10:00 – 22:00.

14.05 2018 - Mánudagur

Framlagning kjörskrár í Vopnafjarðarhreppi vegna sveitarstjórnarkosninga 26. maí 2018

Kjörskrá vegna sveitarstjórnarkosninga sem fram fara 26. maí 2018 liggur frammi almenningi til sýnis á skrifatofu Vopnafjarðarhrepps frá og með 15. maí  nk. til og með 25. maí  nk. á almennum skrifstofutíma. Kjörskráin miðast við skráð heimilisfang hjá Þjóðskrá 5. maí 2018.

Athugasemdir við kjörskrá berist sveitarstjórn Vopnafjarðarhrepps Hamrahlíð 15, Vopnafirði.

Vopnafirði 15. maí 2018

Ólafur Áki Ragnarsson, sveitarstjóri

14.05 2018 - Mánudagur

Framhaldsskólinn á Laugum - brautskráning

Framhaldsskólinn á Laugum auglýsir brautskráningu 2018.

Ágætu Þingeyingar, Vopnfirðingar og velunnarar skólans.

Brautskráning nýstúdenta fer fram við hátíðlega athöfn í íþróttahúsinu á Laugum laugardaginn 19. maí kl. 14:00.

Við bjóðum ykkur öll hjartanlega velkomin að gleðjast með okkur og þiggja kaffiveitingar að athöfn lokinni í matsal skólans.

12.05 2018 - Laugardagur

Hátíðarguðsþjónusta í Vopnafjarðarkirkju

Á uppstigningardag 10. maí sl. var sameiginleg guðsþjónusta Langanes- og Hofsprestakalls í Vopnafjarðarkirkju. Dagurinn var á sínum tíma tileinkaður eldri borgurum þessa lands og hafa kirkjur landsins boðið til guðsþjónustu af því tilefni. Þannig var því einmitt farið hér og var vel í lagt því auk prests okkar, sr. Þuríðar Bjargar W. Árnadóttur, þjónuðu frú Agnes M. Sigurðardóttir biskup og sr. Hildur Sigurðardóttir prestur á Skinnastað. Að athöfn lokinni var boðið til kaffisamsætis og hreint ekki í kot vísað eins og borðin svignuðu undan veigunum.

11.05 2018 - Föstudagur

Kynning á breytingum Aðalskipulags og nýtt deiliskipulag

Vopnafjarðarhreppur stóð fyrir kynningu á Aðalskipulagsbreytingum sem Yrki arkitektar eru að vinna í samvinnu við sveitarfélagið. Um er að ræða fyrirhugaðar breytingar á námun, byggingu fuglaskoðunarhúsa, uppbyggingu stíga, rýmkun heimilda á frístundahúsum á lögbýlum og tillögu að verndarsvæði í byggð. Aukinheldur var deiliskipulag íþróttasvæðis til kynningar en sömu hönnuðir halda um það verkefni sem er langt komið.

11.05 2018 - Föstudagur

Þjónustumiðstöð auglýsir

Þjónustumiðstöð Vopnafjarðarhrepps auglýsir til sölu eftirfarandi bíla og vélar. Í öllum tilfellum miðast frestur við 14. maí nk. og er Oddur Pétur yfirmaður miðstöðvar til svars í síma 893-2516. Myndir af söluvörum eru meðfylgjandi hér fyrir neðan ásamt þeirri sem tilkynningunni fylgir og sýnir Nissan Navara bifreið þjónustumiðstöðvar.

09.05 2018 - Miðvikudagur

Vísitasía biskups

Biskup Íslands, Agnes M. Sigurðardóttir, heimsækir austfirskar sóknir þessa dagana. Agnes ásamt Þorvaldi Víðissyni biskupsritara dvelja á Vopnafirði í dag og á morgun. Vísitasía biskups hvílir á rótgróinni, sögulegri hefð og er eitt helsta hlutverk biskups að rækta traust samband og samstarf með fólkinu, kynnast kirkjustarfinu í sóknunum, veita leiðsögn og hvetja til góðra verka.

 

09.05 2018 - Miðvikudagur

Hofsprestakall: Kirkjuhátíð eldri borgara

Sameiginleg hátíðarguðsþjónusta Langanes- og Hofsprestakalls í Vopnafjarðarkirkju á degi eldri borgara uppstigningardag, fimmtudaginn 10. maí kl. 14.

 

Biskup Íslands, frú Agnes M. Sigurðardóttir, prédikar og þjónar ásamt sóknarprestum.

 

Kór Vopnafjarðar- og Hofskirkju syngur undir stjórn Stephen Yates.

07.05 2018 - Mánudagur

Framboðslistar við kosningu til sveitarstjórnar 26. maí nk.

Þann 26. maí nk. ganga Íslendingar að kjörborði og kjósa fólk til sveitarstjórna. Á Vopnafirði eru 3 listar í boði, þeir eru B-listi Framsóknar og óháðra, Ð-listi Betra Sigtúns og S-listi Samfylkingar á Vopnafirði. Hér að neðan eru framboðslistarnir birtir í stafarófsröð miðað við listabókstaf framboðs.

07.05 2018 - Mánudagur

Opinn fundur um Aðalskipulagsmál Vopnafjarðar 08. maí

Þann 08. maí nk. verður opinn fundur í Miklagarði milli kl 15:00 -17:00. Verður þar farið yfir lýsingu fyrir breytingar á Aðalskipulagi Vopnafjarðar 2006-2026 og verður óskað eftir ábendingum frá almenningi og hagsmunaaðilum á kynningunni. Eru íbúa hvattir til að mæta enda varðar málefnið framtíðarskipulag sveitarfélagsins.


183 - 192 af 2173
< 11 12 13 14 15 16 17 18 19 20  > 




Tungumál


Skipta um leturstærð


Leit



Flýtileiðir