Fréttir

25.05 2018 - Föstudagur

Boltinn tekinn að rúlla

Sumarið er tíminn þá boltinn rúlla fer og síðastliðinn þriðjudag fór fram fyrsti keppnisleikur sumarsins á Vopnafjarðarvelli. Vikum og mánuðum áður höfðu meistaraflokkar Einherja leikið í Lengjubikar KSÍ auk stóru bikarkeppninnar, Mjólkurbikar. Var þriðjudagsleikurinn hluti af þeirri keppni og öttu piltarnir kappi við ÍBV í Eyjum fyrsta maí sl. í henni auk heldur og stóðu sig með sóma þótt leikurinn tapaðist. Áður en gerlegt er að leika keppnisleik þarf að ýmsu að huga og þann 22. maí sl. var unnið á vellinum, raunar báðum, í aðdraganda keppnistímabilsins 2018.

23.05 2018 - Miðvikudagur

Veljum Vopnafjörð – lok verkefnisins

Verkefninu  „Veljum Vopnafjörð“, sem hófst með íbúaþingi í apríl 2016 er nú formlega lokið. Með þessum línum vill undirritaður, fyrir hönd verkefnisstjórnar, þakka öllum þeim sem tóku þátt, með einum eða öðrum hætti. Verkefnið var leitt af Vopnafjarðarhreppi, með stuðningi frá Byggðastofnun, Austurbrú og Nýsköpunarmiðstöð Íslands. ILDI rjáðgjöf sá um framkvæmd og skipulag verkefnisins.

Kjarni verkefnisins var áhersla á samtal og samstarf við íbúa, höfða til frumkvæðis íbúanna, frumkvöðla og ungs fólks. Í því skyni var m.a. haldið málþing sl. vorið 2017 undir yfirskriftinni, Yngri, kraftmeiri og fjölbreyttari Vopnafjörður, sem byggir á skilaboðum íbúaþings.

22.05 2018 - Þriðjudagur

Aðalsafnaðarfundur Vopnafjarðarsóknar

IMG_0753.JPGAðalsafnaðarfundur Vopnafjarðarsóknar 28. maí nk.

Aðalsafnaðarfundur Vopnafjarðarsóknar verður haldinn mánudaginn 28. maí nk. í safnaðarheimili kirkjunnar og hefst kl. 17:00.

Dagskrá: Venjuleg aðalfundarstörf.

Allir eru velkomnir.

17.05 2018 - Fimmtudagur

Kjörfundur á Vopnafirði

Kjörfundur vegna sveitarstjórnarkosninga laugardaginn 26. maí 2018 verður haldinn í félagsheimilinu Miklagarði frá kl. 10:00 til kl. 18:00 þann dag.

Athygli er vakin á því að aðgengi fyrir hreyfihamlaða er á norðurinngangi félagsheimilisins.

Kjörskrá liggur frammi á skrifstofu Vopnafjarðarhrepps, Hamrahlíð 15, til og með 25. maí  nk.

15.05 2018 - Þriðjudagur

Selárlaug lokuð til mánudagsins 21. maí

Í dag verður laugarkar Selárlaugar tæmt og það þrifið í framhaldi af því. Eins verður laugarhúsið þrifið og til þess þurfa starfsmenn tíma. Verður Selárlaug lokuð dagana frá og með 15. til og með 20. maí nk. en á mánudag 21. opnar laugin á ný með sumaropnun og þá opin alla daga vikunnar milli kl. 10:00 – 22:00.

14.05 2018 - Mánudagur

Framlagning kjörskrár í Vopnafjarðarhreppi vegna sveitarstjórnarkosninga 26. maí 2018

Kjörskrá vegna sveitarstjórnarkosninga sem fram fara 26. maí 2018 liggur frammi almenningi til sýnis á skrifatofu Vopnafjarðarhrepps frá og með 15. maí  nk. til og með 25. maí  nk. á almennum skrifstofutíma. Kjörskráin miðast við skráð heimilisfang hjá Þjóðskrá 5. maí 2018.

Athugasemdir við kjörskrá berist sveitarstjórn Vopnafjarðarhrepps Hamrahlíð 15, Vopnafirði.

Vopnafirði 15. maí 2018

Ólafur Áki Ragnarsson, sveitarstjóri

14.05 2018 - Mánudagur

Framhaldsskólinn á Laugum - brautskráning

Framhaldsskólinn á Laugum auglýsir brautskráningu 2018.

Ágætu Þingeyingar, Vopnfirðingar og velunnarar skólans.

Brautskráning nýstúdenta fer fram við hátíðlega athöfn í íþróttahúsinu á Laugum laugardaginn 19. maí kl. 14:00.

Við bjóðum ykkur öll hjartanlega velkomin að gleðjast með okkur og þiggja kaffiveitingar að athöfn lokinni í matsal skólans.

12.05 2018 - Laugardagur

Hátíðarguðsþjónusta í Vopnafjarðarkirkju

Á uppstigningardag 10. maí sl. var sameiginleg guðsþjónusta Langanes- og Hofsprestakalls í Vopnafjarðarkirkju. Dagurinn var á sínum tíma tileinkaður eldri borgurum þessa lands og hafa kirkjur landsins boðið til guðsþjónustu af því tilefni. Þannig var því einmitt farið hér og var vel í lagt því auk prests okkar, sr. Þuríðar Bjargar W. Árnadóttur, þjónuðu frú Agnes M. Sigurðardóttir biskup og sr. Hildur Sigurðardóttir prestur á Skinnastað. Að athöfn lokinni var boðið til kaffisamsætis og hreint ekki í kot vísað eins og borðin svignuðu undan veigunum.

11.05 2018 - Föstudagur

Kynning á breytingum Aðalskipulags og nýtt deiliskipulag

Vopnafjarðarhreppur stóð fyrir kynningu á Aðalskipulagsbreytingum sem Yrki arkitektar eru að vinna í samvinnu við sveitarfélagið. Um er að ræða fyrirhugaðar breytingar á námun, byggingu fuglaskoðunarhúsa, uppbyggingu stíga, rýmkun heimilda á frístundahúsum á lögbýlum og tillögu að verndarsvæði í byggð. Aukinheldur var deiliskipulag íþróttasvæðis til kynningar en sömu hönnuðir halda um það verkefni sem er langt komið.

11.05 2018 - Föstudagur

Þjónustumiðstöð auglýsir

Þjónustumiðstöð Vopnafjarðarhrepps auglýsir til sölu eftirfarandi bíla og vélar. Í öllum tilfellum miðast frestur við 14. maí nk. og er Oddur Pétur yfirmaður miðstöðvar til svars í síma 893-2516. Myndir af söluvörum eru meðfylgjandi hér fyrir neðan ásamt þeirri sem tilkynningunni fylgir og sýnir Nissan Navara bifreið þjónustumiðstöðvar.


193 - 202 af 2187
< 11 12 13 14 15 16 17 18 19 20  > 




Tungumál


Skipta um leturstærð


Leit



Flýtileiðir