Fréttir

18.03 2019 - Mánudagur

Þjónustumiðstöð: Vinnuskóli og starfsmaður

Þjónustumiðstöð Vopnafjarðarhrepps auglýsir sumarvinnu 2019 og óskar að ráða starfsmann til framtíðarstarfa.

Vísað er til auglýsinga sem er að finna hér að neðan.

15.03 2019 - Föstudagur

Auglýst eftir framkvæmdastjóra Vopnaskaks

Vopnafjarðarhreppur auglýsir stöðu framkvæmdastjóra Vopnaskaks 2019 lausa til umsóknar. Bæjarhátíðin verður haldin dagana 04.-07. júlí nk. 

Hlutverk framkvæmdastjóra er m.a. að skipuleggja og stýra hátíðinni og vinna að fjármögnun hennar, í samvinnu við menningarmálanefnd Vopnafjarðar. Þarf viðkomandi að geta sinnt því af og til á vorönn 2019 og í fullu starfi í júní allt þar til uppgjöri og frágangi eftir hátíðina er lokið.

13.03 2019 - Miðvikudagur

Af aðalfundi Landbótar

Skógræktar- og landgræðslufélagið Landbót var fyrir nokkrum árum endurvakið og hefur síðan unnið að málefnum skógræktar í sveitarfélaginu. Skógrækt er í eðli sínu þolinmæðisvinna því afrakstur mikilla verka verður fyrst sýnilegur að mörgum árum liðnum. Flestir þekkja það að ganga skógarstíga og upplifa skjólið og ilminn sem þar má finna. Skógar veita fjölbreytta þjónustu sem maður og náttúra nýta sér. Þeir veita skjól, eru eftirsótt útivistarsvæði en þeir verða ekki til að engu og frjáls félagasamtök eins Landbót hverju samfélagi mikilvæg.

11.03 2019 - Mánudagur

Samráðsfundur um ferðamálastefnu í Miklagarði

Boðað hafði verið til samráðsfundar um ferðamálastefnu Vopnafjarðar í félagsheimilinu Miklagarði sl. laugardag. Liðlega 30 manns svaraði kallinu og er tíðindamann bar að garði var unnið í hópavinnu á 6 borðum en hverjum hópi var úthlutað tiltekin verkefni er málefnið varðar. Á fundi atvinnu- og ferðamálnefndar þann 15. mars 2016 voru lögð fram drögð að ferðamálastefnu Vopnafjarðar sem þá var í höndum starfshóps sveitarstjórnar og áður hafði verið unnið með ýmsum hætti að þróun ferðamála í sveitarfélaginu m.a. útgáfu gönguleiðakortsins Útivist í Vopnafirði og á Út-Héraði 2004. Ferðamál eru í brennidepli að nýju og miðað við stöðu þeirra í sveitarfélaginu er ekki vanþörf á.

07.03 2019 - Fimmtudagur

Öskudagurinn

Öskudagurinn er dagur allra barna óháð aldri enda er aldurinn afstætt hugtak. Hvað er líka yndislegra en syngjandi, skríkjandi, hrópandi, dansandi börn íklædd alls kyns búningum þess albúin að kyrja nokkra söngva gegn umbun nokkurri? Nú brá svo við að tíðindamaður var fjarri góðu gamni en hefði öllu jafna verið í íþróttahúsinu hvar nemendur og starfsmenn skólans koma ávallt saman að morgni öskudags uppáklædd að hætti dagsins. Í ljósi fráveru var leitað til góðra vina sem sáu til þess að dagurinn var festur á mynd(ir) og er þær að finna hér að neðan.

05.03 2019 - Þriðjudagur

Samráðsfundur um ferðamálastefnu

Samráðsfundur um ferðamálastefnu Vopnafjarðarhrepps verður haldinn í félagsheimilinu Miklagarði laugardaginn 9. mars kl. 13:00. Hagsmunaaðilar og áhugafólk um uppbyggingu ferðaþjónustu á staðnum er hvatt til að mæta og ræða sýn sína og mögulegar aðgerðir í tengslum við verkefnið. Ágúst Elvar Bjarnason ferðamálafræðingur og verkefnastjóri Höfuðborgarstofu stýrir fundinum.

04.03 2019 - Mánudagur

Mælifell ehf. 30 ára

Vopnfirska byggingafyrirtækið Mælifell ehf. hélt upp á 30 ára afmæli fyrirtækisins sl. föstudag að viðstöddu fjölmenni. Vildi margur samfagna þeim bræðrum og starfsmönnum Mælifells en stofndagur þessa öfluga fyrirtækis er 28. febrúar 1989. Fram kom í máli Steindórs framkvæmdastjóra að þeir hefðu sýnt aðgæslu frá fyrstu stundu í rekstri fyrirtækisins en það er að æra óstöðugan að ætla að tilgreina öll þau verkefni sem Mælifell hefur komið að í 30 ára sögu þess.

01.03 2019 - Föstudagur

Afkoma HB Granda hf. 2018

Á heimasíðu HB Granda hf. er afkoma félagsins árið 2018 til umfjöllunar en hagnaður þess var 4,1 milljarðar sem er samkvæmt forstjóra ekki ásættanleg niðurstaða. Rekstrartekjur og -gjöld eru uppgefnar í Evrum og tölur umreiknaðar í u.þ.b. 136 íslenskar krónur hver Evra. Rekstrartekjur samstæðunnar á 4ða ársfjórðungi 2018 voru 61,5m€ en var 58,4 m€ á sama tíma árið áður. 61,5 m€ jafngildir um 8,3 milljörðum og sýnir stærð þessa öfluga fyrirtækis.

28.02 2019 - Fimmtudagur

Hjúkrunarheimilið Sundabúð auglýsir

Atvinna - sumarafleysingar

Sjúkraliðar og ófaglært starfsfólk óskast til sumarafleysinga  á hjúkrunardeild Sundabúðar. Um er að ræða störf í vaktavinnu við hjúkrun aldraðra og afleysingar í mötuneyti.

 

Umsóknarfrestur er til 15.mars.

Nánari upplýsingar gefur Emma Tryggvadóttir hjúkrunarforstjóri í síma 470 1240 og emma@vopnafjardarhreppur.is

27.02 2019 - Miðvikudagur

Þrjár stúlkur frá Einherja í landsliðsúrtaki

Ungmennafélagið Einherji á Vopnafirði hefur um langt árabil vakið athygli fyrir framgöngu sína sama hvort horft er til yngri flokkastarfs eða meistaraflokka. Innan íþróttahreyfingarinnar er sú skoðun almenn að félaginu skuli hafa auðnast að halda úti keppnisliði í meistaraflokki karla og kvenna sl. 4 ár auk myndarlegs yngri flokkastarfs sé markvert afrek. Er skemmst að minnast þess að félagið hlaut Grasrótarverðlaun KSÍ 2016. Nú berast af því fregnir að þrjár stúlkur úr 3. flokki Einherja hafi verið valdar í úrtakshóp fyrir landslið kvenna 15 ára og yngri í knattspyrnu.


23 - 32 af 2155
1 2 3 4 5 6 7 8 9 10  > 




Tungumál


Skipta um leturstærð


Leit



Flýtileiðir