Fréttir

29.08 2018 - Miðvikudagur

Ágætis veður framundan

Austurhluti Íslands hefur notið góðs tíðarfars allt frá maí til þessa dags þótt ágúst hafi boðið upp á rysjótt veður með blautum og þurrum dögum til skiptis. Þannig hafa t.a.m. vökvunarvagnar íþróttavallar sveitarfélagsins ekki verið hreyfðir í mánuðinum en voru þeim mun meira notaðir allt frá því að þeir fóru af stað þann 11. maí sl. Skv. Veðurstofu megum við vænta ágætra daga sé horft 6 daga fram í tímann.

 

27.08 2018 - Mánudagur

Sundkennsla Vopnafjarðarskóla

Athygli sundlaugargesta er vakin á að sundkennsla Vopnafjarðarskóla hefst á morgun, þriðjudaginn 28. ágúst. Mun hún standa yfir næstu 3 vikurnar, þ.e. til og með föstudaginn 14. september nk. Þetta þýðir að sundlaugin er gestum lokuð á meðan sundkennsla stendur yfir sem er fyrir hádegi dag hvern.

23.08 2018 - Fimmtudagur

Heilsufarsmæling á Vopnafirði 27. ágúst

Hjartaheill, Samtök sykursjúkra, Samtök lungnasjúklinga og SÍBS í samstarfi við Heilbrigðisstofnun Norðurlands (HSN) munu bjóða upp á ókeypis heilsufarsmælingu 27.-30. ágúst næstkomandi á Norðurlandi eystra. Send hafa verið út boðsbréf á alla íbúa og fyrirtæki í aðdraganda mælinganna auk þess sem framtakið hefur verið kynnt í gegnum samfélagsmiðla og í samstarfi við svæðismiðla.

21.08 2018 - Þriðjudagur

Skólasetning Vopnafjarðarskóla

Í dag var Vopnafjarðarskóli settur í sal skólans að viðstöddum nemendum, aðstandendum þeirra og starfsfólki. Að vanda kom í hlut skólastjórans Aðalbjörns Björnssonar að ávarpa gesti og fór í suttu máli yfir starfið í vetur, þakkaði þeim starfsmönnum sem hverfa af vettvangi og bauð nýja velkomna. Að vanda bauð Aðalbjörn nýnema, sem eru 7 að tölu, sérstaklega velkomna og beindi síðan orðum sínum til þeirra elstu sem fyrirmyndir hinna ungu skólasystkina.

20.08 2018 - Mánudagur

Vopnafjarðarskóli settur á morgun, 21. ágúst

Skólasetning Vopnafjarðarskóla verður þriðjudaginn 21. ágúst kl. 10:00 í sal skólans. Skólastarf samkvæmt stundaskrá hefst miðvikudaginn 22. ágúst.

17.08 2018 - Föstudagur

Einherji í aðalhlutverki um helgina

Langt er liðið á sumar og smám saman mun vetrarstarfið taka við, skólar landsins eru sem dæmi að hefjast þessa dagana. Lið Vopnfirðinga, sem tæplega þarf að nefna á nafn, stendur í ströngu um helgina en á Vopnafjarðarvelli verða leiknir 3 leikir á tímabilinu föstudagur 17. til og með mánudagur. 20 Stúlkurnar í meistaraflokki ríða á vaðið með leik í kvöld gegn toppliði Tindastóls með markhæsta leikmann deildarinnar innan vébanda sinna, Murielle Tiernan. Athuga að leikurinn hefst kl. 18:15.

 

15.08 2018 - Miðvikudagur

Hlutfall kvenna í sveitarstjórnum aldrei hærra

Nærfellt annar hver sveitarstjórnarmaður er kona og hefur hlutur kvenna aldrei verið meiri en nú eða 47,2% skv. Sveitarstjórnarmálum. Kjörnum sveitarstjórnarmönnum hefur fækkað jafnt og þétt með fækkun sveitarfélaga en sem dæmi sátu alls 981 einstaklingur í sveitarstjórn 1998 en eru nú 502. Fyrir 20 árum voru sveitarfélögin 124 en eru nú 72.

13.08 2018 - Mánudagur

Ný persónuverndarlöggjöf

Þann 27. apríl 2016 skrifuðu forsetar Evrópuþingsins og -ráðsins undir nýja evrópska persónuverndarlöggjöf en löggjöfin kom til framkvæmda þann 25. maí 2018 í Evrópu. Hérlendis þann 15. júli sl. Vernd persónuupplýsinga er talinn hluti af EES-samningnum og því var löggjöfin tekin upp í íslenskan rétt. Öll fyrirtæki, stofnanir og aðrir sem vinna með persónuupplýsingar einstaklinga, hvort heldur um viðskiptavini, notendur hugbúnaðar, nemendur, eigið starfsfólk eða aðra, verða að fylgja hinni nýju löggjöf. Hið nýja regluverk markar tímamót í sögu persónuverndarlöggjafar í Evrópu. Um er að ræða umfangsmestu endurbætur sem gerðar hafa verið á löggjöfinni í tvo áratugi.

30.07 2018 - Mánudagur

Skemmtiferðaskipið Seabourn Quest á Vopnafirði

Að morgni sunnudagsins 29. júlí sl. sigldi inn Vopnafjörð voldugt skemmtiferðaskip en tæplega 200 metra langt skip telst til hinna stærri. Nafn skipsins er Seabourn Quest og er eitt skipa Seabourn Cruise Line sem skráð er í Nassau á Bahamaeyjum skammt undan ströndum BNA. Allt til 1973 lutu eyjarnar stjórn Breta. Það væsir vart um gesti um borð í skipi sem þessu en hámarksfjöldi farþega er 450 er njóta þjónustu 335 manna starfsliðs.

27.07 2018 - Föstudagur

Þór Steinarsson ráðinn sveitarstjóri Vopnafjarðarhrepps

Þór Steinarsson hefur verið ráðinn sveitarstjóri Vopnafjarðarhrepps. Ráðning hans var staðfest á fundi sveitarstjóranr í dag, 27. júlí 2018. Þór er með meistaragráðu í stjórnsýslu frá Háskóla Íslands og hefur starfað hjá Reykjavíkurborg frá árinu 2012, þar af sem aðstoðarmaður sviðsstjóra umhverifis-og skipulagssviðs Reykjavíkurborgar undanfarin fimm ár. Þór tekur til starfa hjá Vopnafjarðarhreppi 1. ágúst 2018.


63 - 72 af 2096
1 2 3 4 5 6 7 8 9 10  > 




Tungumál


Skipta um leturstærð


Leit



Flýtileiðir