Fundargerðir æskulýðs- og íþróttanefndar 20.05.2008

20.05 2008 - Þriðjudagur

Fundargerð 8.fundur æskulýðs- og íþróttanefndar Vopnafjarðarhrepps.

Fundur æskulýðs- og íþróttanefndar Vopnafjarðarhrepps 20.maí 2008, haldinn á skrifstofu Ungmennafélagsins Einherja kl: 16:00.

Mætt til fundar: Hrafnhildur Helgadóttir, Linda Björk Stefánsdóttir formaður, Nikulás Hjaltason, Ester Rósa Halldórsdóttir, Kristín Hrönn Reynisdóttir og Gísli Arnar Gíslason, æskulýðs- og íþróttafulltrúi.

Formaður bauð fundarmenn velkomna og síðan gengið til dagskrár.

Dagskrá:

1.mál: Lögð fram fundargerð síðasta fundar. Fundargerðin samþykkt.

2.mál: Golfmál, kynning: Gísli Arnar kynnti stöðu golfmála hér í hreppnum og einnig það sem á döfinni væri, svosem að koma á golfkennslu til að auka áhuga og hressa upp á kunnáttu þeirra sem áhuga hafa á þessari íþrótt. Fund sem hann boðaði með áhugafólki um golf o. fl.

3.mál: Gervigrasvöllur-viðhald: Í athugun er að fá aðila frá Sport-tæki ehf til að sinna viðhaldi. Ný mörk hafa verið sett upp á vellinum og er það gleðiefni fyrir fótboltaiðkendur. Ákveðið að setja upp planka utan á grindverkið svo börn geti staðið þar, er það gert til að minnka slysahættu þegar verið er að horfa á það sem fer fram innan vallar.

4.mál; Málefni Drekans: Silvía Kristjánsdóttir hefur látið af störfum við félagsmiðstöðina Drekann. Nefndin þakkar henni vel unnin störf.
Þann 17. apríl sat æskul.- og íþróttafulltrúi aðalfund Samfés á Akureyri þar sem félagsmiðstöðin Drekinn fékk formlega aðild að samtökunum.

5.mál: Önnur mál:
a). Gísli Arnar sat aðalfund FÍÆT, félag íþrótta,-æskulýðs- og tómstundafulltrúa 2. og 3. maí.
b). Dagur barnsins 25. maí. Dagskrá í mótun en æskulýðs- og íþróttanefnd sér um veitingar.
c).Einnig umræður um hjóladag sem settur er á tímabilið 26.-30. maí næstkomandi.
d). Æskulýðs-og íþróttanefnd veltir fyrir sér hvort komið hafi til tals innan hreppsnefndar aukin sumaropnun íþróttahúss en sl. 2 sumur hefur opnun miðast við 3ja daga opnun.



Fleira ekki gert og fundi slitið kl:17:20.

F.h. Nefndarinnar Hrafnhildur Helgadóttir.



Tungumál


Skipta um leturstærð


Leit



Flýtileiðir