Fundur atvinnumálanefndar 01.07.2010

05.07 2010 - Mánudagur

Atvinnumálanefnd

 

Fundur í atvinnumálanefnd var haldinn í félagsheimilinu Miklagarði kl. 10.00  á fimmtudaginn 1. júlí 2010.

Á fundinn voru mætt Björn Halldórsson, Guðrún Stefánsdóttir, Sigurður Björnsson, Helgi Þorsteinsson og Skúli Þórðarson.   Jafnframt voru mætt Þórunn Egilsdóttir, oddviti og Þorsteinn Steinsson, sveitarstjóri.

 

Dagskrá:

1. mál. Sveitarstjóri/Oddviti opnar fund og býður nýja nefndarmenn velkomna til starfa.

 

Sveitarstjóri og oddviti buðu fundarmenn velkomna og óskuðu nýkjörnum fulltrúum nefndarinnar til hamingju með kjörið og velfarnaðar í starfinu sem framundan er.

2. mál Kosning formanns

 

Gengið til kosninga um formann nefndarinnar.   Tillaga kom fram um Björn Halldórsson, sem formann.   Engar aðrar tillögur komu fram.

Fyrirliggjandi tillaga um Björn sem formann samþykkt samhljóða.

3. mál Kosning varaformanns

 

Gengið til kosninga um varaformann.   Tillaga kom fram um Helga Þorsteinsson, sem varaformann.   Engar aðrar tillögur komu fram.

Fyrirliggjandi tillaga síðan samþykkt samhljóða

4. mál Kosning ritara

 

Gengið til kosninga um ritara.   Fram kom tillaga um Guðrúnu Stefánsdóttur sem ritara nefndarinnar.   Aðrar tillögur komu ekki fram.

Fyrirliggjandi tillaga samþykkt samhljóða.

5. mál Samþykktir fyrir atvinnumálanefnd lagðar fram og verkefni nefndarinnar rætt.

 

Lögð fram drög að samþykktum fyrir atvinnumálanefnd, farið yfir þær og helstu verkefni nefndarinnar.   Óskað var eftir því að nefndarmenn færu vel yfir samþykktirnar.

Fyrirliggjandi samþykktum vísað til samþykktar í sveitarstjórn.

 

Talsverðar umræður urðu um það hvaða mál hefðu verið til umfjöllunar í nefndinni fram að þessu og hvað menn teldu vera framundan.   Ákveðið að taka saman yfirlit yfir helstu verkefni, sem í gangi hafa verið.

Fleira ekki gert og fundi slitið kl. 10.30




Tungumál


Skipta um leturstærð


Leit



Flýtileiðir