Fundargerð Skipulags og umhverfisnefndar 4. desember 2019

04.12 2019 - Miðvikudagur

Fundur skipulags- og umhverfisnefndar Vopnafjarðarhrepps 

4.desember2019, haldinn í Hamrahlíð 15 kl. 8:00 

 

Mætt til fundar: Borghildur Sverrisdóttir, Lárus Ármannsson, Sigríður Elva Konráðsdóttir, Ragna Lind Guðmundsdóttir Ingólfur Daði Jónsson og Ingólfur Arason. 

 Einnig sátu fundinn Þór Steinarsson, sveitarstjóri, er ritaði fundargerð og Sigurður Jónsson byggingafulltrúi í gegnum fjarfundarbúnað. 

 

Dagskrá: 

1. Smáhýsi við lóð Miðbraut 15  

Sótt er um leyfi til byggingar smáhýsis á lóðinni. Smáhýsið uppfyllir ekki lið tvö í grein 2.3.5, lið G í byggingarreglugerð sem snýr að fjarlægð frá húsi. Óskað er eftir undanþágu á þeim forsendum að reykskynjari verði settur upp í smáhýsinu sem tengdur er við reykskynjara inni í húsi. Nefndin samþykkir umsóknina fyrir sitt leyti að gefnu samþykki eldvarnareftirlitsins. Samþykkt með atkvæðum fimm nefndarmanna. Ingólfur Arason situr hjá. 

2. Umsókn um byggingarleyfi frá Brim - viðbygging við fiskmjölsverksmiðju  

Lagt er fram erindi um viðbyggingu við fiskimjölsverksmiðju við Hafnarbyggð 12. Viðbyggingin er hönnuð í sama anda og aðalhús fiskimjölsverksmiðjunar. Samskonar veggja- og þakfyrirkomulag. Um er að ræða stálgrind klædda með samlokueiningum. Viðbyggingin kemur upp að verksmiðjuhúsinu og tengigangi og verður hurðarop frá honum í viðbygginguna. Viðbyggingin er ekki sýnileg frá götum eða gangstéttum. I erindinu kemur fram að viðbyggingin uppfylli kröfur byggingareglugerðar. Ekki sé um neina röskun á burðarviki núverandi bygginga að ræða og að viðbyggingin komi upp að steyptum útvegg verksmiðjunnar sem er brunahólfandi og verður áfram þannig. 

Samþykkt samhljóða. 

3. Beiðni Landsnets um aðalskipulagsbreytingu vegna breytinga á Vopnafjarðarlínu 1 á Hellisheiði eystri  

Landsnet vinnur að undirbúningi á lagningu jarðstrengs yfir Hellisheiði eystri í stað loftlínu. Tilgangur vinnunnar er að auka afhendingaröryggi á Vopnafirði og draga úr áhættu starfsmanna Landsnets vegna viðhalds og viðgerða a loftlínu.  Óskað er eftir að sveitarfélagið hefji vinnu við breytingar á aðalskipulagi með gerð skipulags- og matslýsingar. 

Samþykkt samhljóða 

4. Samningur við Kolvið um væntanlegt svæði undir kolefnisskóg 

Lögð fram drög að samningi á milli Vopnafjarðarhrepps og Kolviðar um leigu á landi undir skóg til kolefnisbindingar auk tillagna um svæði undir kolefnisskóg inn í samninginn. Nefndin er jákvæð gagnvart samningi og samningsvæðum. Bent var á að gæta að því að ekki verði snjósöfnun við akvegi. 

5.Aðalskipulag – verkefni og lýsing 

Lögð fram drög að lýsingu og verkáætlun á endurskoðun aðalskipulags Vopnafjarðar 2020-2040. Nefndin samþykkir að lysingin verði kláruð á þeim forsendum sem koma fram í drögunum og komu fram á íbúafundi sl mánudag. Samþykkt samhljóða. 

6. Grenndarkynning á strandblakvelli. Staðsetningin er í samræmi við deiliskipulag og því er ekki talin þörf á grenndarkynningu. 

Samþykkt samhljóða. 

 

Fleira ekki tekið fyrir, fundargerðin lesin upp og hún borin upp til samþykktar. Hún samhljóða samþykkt – fundi slitið kl. 9:43. 




Tungumál


Skipta um leturstærð


Leit



Flýtileiðir