Leikskólinn Brekkubær


Leikskólinn BrekkubærSmellið hér til að heimsækja vefsíðu Brekkubæjar


Leikskólinn Brekkubær
Lónabraut 13 - 15
Sími: 473-1269
Netfang: leikskoli(hjá)vopnafjardarhreppur.is

Leikskólastjóri
Sandra Konráðsdóttir
sandra(hjá)vopnafjardarhreppur.is

Aðstoðarleikskólastjóri
Halldóra Sigríður Árnadóttir
dora(hjá)vopnafjardarhreppur.is


Leikskólinn Brekkubær stendur miðsvæðis í þorpinu gegnt Vopnafjarðarskóla. Nemendur eru 37 og starfsmenn 14.

Á Brekkubæ eru þrjár deildir: Ásbrún fyrir 4-6 ára, Dagsbrún fyrir 3-4 ára og Hraunbrún fyrir 1-2 ára börn. Foreldrafélag er starfrækt við leikskólann og vinnur með starfsfólki. Boðið er upp á nokkra vistunarmöguleika: 4, 5, 6 og 8 klst.

Tekið er við eins árs börnum og biðlisti er stuttur eða enginn. Skólanámskrána er hægt að skoða á vefsíðu Brekkubæjar.


Saga leikskólans:

Í upphafi voru það kvenfélagskonur á Vopnafirði sem hófu rekstur gæsluvallar árið 1967 og var hann starfræktur í þrjá mánuði á sumrin. Leikskólinn var síðan stofnaður árið 1975 og var hann til húsa í sal Verkalýðsfélags Vopnafjarðar til ársins 1976, en þá fluttist hann í einbýlishús að Lónabraut 19 sem Vopnafjarðarhreppur átti og var leikskólinn starfræktur þar í nokkur ár. Þann 1. desember 1991 var síðan glæsilegur tveggja deilda leikskóli vígður, en bara önnur deildin var tekin í notkun það árið. Leikskólinn fékk nafnið Brekkubær, sem var valið úr mörgum nöfnum í hugmyndasamkeppni og var það Þorgerður Karlsdóttir sem átti það nafn. Þann 12. ágúst 2008 var opnuð ný viðbygging þar sem bættist við ein deild auk starfsmannaaðstöðu.



Tungumál


Skipta um leturstærð


Leit



Flýtileiðir