Sundlaugin Selárdal


Sundlaugin Selárdalselardalslaugm.jpg
Sími: 473 1499

Sundlaugin er 3,5 km frá þjóðvegi 85 á leið til Bakkafjarðar, 12 km frá Vopnafjarðarkauptúni. Laugin stendur á bakka Selár þar sem hún rennur í grunnu gljúfri. Leitun er að jafn fagurri staðsetningu fyrir sundlaug enda laugin rómuð fyrir umhverfi sitt.

Gæsla er við laugina árið um kring og miðast opnun laugarinnar alfarið við þann tíma, sbr. opnunartíma sumar og vetur. Utan þess tíma er laugin lokuð.

Laugin er að jafnaði 33°C. Í enda hennar er 60 cm djúp vaðlaug, 35-36°C. Einn heitur pottur er við laugina, að jafnaði 39-40°.

Aðgengi fyrir hreyfihamlaða er gott. Nestisaðstaða og stór sólpallur er við laugina.

Heita vatnið kemur upp úr heitri laug við sundlaugina, á seinni árum hefur verið reynt að auka vatnsmagnið með borun nokkrum sinnum með fremur litlum árangri.

Laugin var byggð sumarið 1949 af félagsmönnum í Einherja, ungmennafélagi Vopnafjarðar. Byggðu þeir laugina að mestu í sjálfboðavinnu og var hún vígð sumarið 1950. Endurbætur hafa verið gerðar á lauginni og er hún í ágætu ástandi, ávallt hefur þess verið gætt að halda umhverfi laugarinnar snyrtilegu. Fram undir 1975 var sundkennslu þannig háttað að nemendur dvöldu 1/2 mánuð í vist í húsum laugarinnar og mun oft hafa verið glatt á hjalla á þessum sundnámskeiðum.

Sundkennsla fer fram í sundlauginni að hausti og vori.

Opnunartími Selárlaugar

Sumar:
Sumartími (01. maí  – 31. ágúst)

Virka daga mánudaga- föstudaga:      kl. 12:00 til kl. 22:00. Í júli kl. 10:00 - 22:00
Um helgar laugardaga- sunnudaga:    kl. 12:00 til kl. 22:00


Vetur:
Vetrartími (01. sept. – 30. apríl)

Virka daga þriðjudaga - föstudaga:      kl. 14:00 til kl. 18:00. (lokað mánudaga)
Um helgar laugardaga- sunnudaga:    Kl. 12:00 til kl. 16:00.




Tungumál


Skipta um leturstærð


Leit



Flýtileiðir